میرے ہوتے ہوئے یہاں عاکف، ارسلان احمد عاکف

Gmail: ahleeqalam@gmail.com 

 

ارسلان احمد عاکف

Ahle Qalam Group

روز آتے ہیں یہاں ہارے ہوئے شخص

Ahle Qalam Writing Forum

 روز آتے ہیں یہاں ہارے ہوئے شخص

جیت کر کوئی ادھر کیوں نہیں آتا

ارسلان احمد عاکف

نادان ہوں کرتا ہوں خود ہی سے جرح

نادان ہوں کرتا ہوں خود ہی سے جرح
عاکف ہے کیا کوئی بھرم کچھ بھی نہیں
ارسلان احمد عاکف

دنیا کے طرزِ تکلم میں جو

دنیا کے طرزِ تکلم میں جو وحشت پائی

دنیا ہی چھوڑ دی اور فرطِ مسرت پائی

محفلِ ناز میں الفت کی ضرورت پائی

راحتِ جاں نہ تھی منہ دیکھے کی الفت پائی

خوش نصیبی ہے مری جان سلامت پائی

زندگی پائی جو الفت میں غنیمت پائی

چین تھا دل کو مرے دوستوں کی محفل میں

دوست جو روٹھ گئے تو شبِ فرقت پائی

دربدر پھرتے رہے دنیا کی چاہت میں ہم

دنیا بھی کھو دی نہ فوق البشریت پائی

گِھر گیا دین و محبت کی خلِش میں عاکف

نہ کوئی دین ملا اور نہ محبت پائی

ارسلان احمد عاکف 

ہم جانتے تو ہیں کہ ہم کچھ بھی نہیں

ہم جانتے تو ہیں کہ ہم کچھ بھی نہیں

انکی نظر میں محترم کچھ بھی نہیں

میری نظر میں آبِ غم کچھ بھی نہیں

یہ آپ کا ظلم و ستم کچھ بھی نہیں

بے چین ہیں اب ساحلِ دریا سبھی

مت ڈھونڈ تو آبِ ندم کچھ بھی نہیں

تیری محبت میں یہ پتھر جیسا دل

کثرت سے ٹوٹا اور غم کچھ بھی نہیں

نادان ہوں کرتا ہوں خود ہی سے جرح

عاکف ہے کیا ؟ کوئی بھرم؟ کچھ بھی نہیں

ارسلان احمد عاکف 

کسی کا بھی اتنا مرتبۂ کمال نہ ہو

کسی کا بھی اتنا مرتبۂ کمال نہ ہو

کہ اس کے بغیر جینا کبھی محال نہ ہو

ہزاروں ستم ہوں تو یہ نہیں ہو سکتا جناب

کہ محفلِ غم میں نغمۂ انفصال نہ ہو

بس ایک وہی خفا ہے تو کوئی بات نہیں

زمانہ بھی روٹھ جائے کوئی ملال نہ ہو

بے فہم سخن طراز یہی تو چاہتے ہیں 

کہ بزمِ سخن میں متحد الخیال نہ ہو

میں لاکھ بے احتیاط سہی مگر اے خدا

کسی کا وجود عشق میں پائمال نہ ہو

ارسلان احمد عاکف 

بڑھا دے مول ان آنکھوں کا بنجارے

بھری محفل میں سب اپنے تھے نظروں میں

کوئی اپنا نہ پایا میں نے اپنوں میں

عزیزِ آشنا بھی ہم کو پیارا ہے

ارے اب تو وہ بھی آتا ہے خوابوں میں

اے آنے والے آؤ آپ کی خاطر

سجائے بیٹھے ہیں ہم پلکیں راہوں میں

ہمیں منظور ہے بس اتنا کہنا تھا

ختم شد قصۂ الفت دو لفظوں میں

وہ اسکا دستخط کرتے ہوئے ہائے

زباں پر قفل تھا لرزش تھی ہاتھوں میں

نگاہیں تو اٹھاتے دیکھتے ہم بھی 

کہ کتنا درد ہے تیری نگاہوں میں

ہوئی رخصت جو سجنی سرخ جوڑے میں

جلے ہم چشم تنہا کالی راتوں میں

یہ دل روتا ہے سوکھے ہیں مگر روزن

کہ اب شدت کہاں ہے میرے اشکوں میں

حقیقت میں نہیں ملتی کبھی چاہت

بسایا ہے اسے بس اپنے خوابوں میں

بڑھا دے مول ان آنکھوں کا بنجارے

ہزاروں سپنے بستے ہیں ان آنکھوں میں

نہ چھیڑو تم محبت کی کہانی کو

بہت غم ہیں محبت کے بکھیڑوں میں

تری بستی گیا تھا آج بھی عاکف

ترے پیچھے اداسی سی ہے گلیوں میں

ارسلان احمد عاکف 

ہمیں بے فہم جہاں والے شاہ کہتے ہیں

ہمیں بے فہم جہاں والے شاہ کہتے ہیں

ہمارے پاس ہے کیا خوامخواہ کہتے ہیں

ذرا سے لوگ تو عالم پناہ کہتے ہیں

کبھی کبھی نہیں کہتے وگرنہ کہتے ہیں

بڑے عجب ہیں مرے شہر کے سخن پرور

مری ہر ایک حماقت پہ واہ کہتے ہیں

دریچے تو ہیں سلامت بے نور کیوں ہیں لوگ

سفید کو بھی ہمیشہ سیاہ کہتے ہیں

یہ دنیا والے تماشا لگاتے ہیں ہر روز

جو اپنی چھوٹی محبت کو چاہ کہتے ہیں

ہیں لوگ سب ہی عجیب و غریب سے عاکف

کہ خود ہی چوٹ لگاتے ہیں آہ کہتے ہیں

ارسلان احمد عاکف 

راہِ الفت میں کوئی

 راہِ الفت میں کوئی دقت نہیں ہے

پر محبت کی اب ضرورت نہیں ہے

اب فنونِ الفت سے ہمکو غرض کیا

دل لگی کی اب کوئی صورت نہیں ہے

حسن والے تو ہیں زمانے میں لیکن

عشق کرنے کی ہم کو فرصت نہیں ہے

ہاں ہماری لاکھوں خطائیں ہیں لیکن

ہمکو کوئی داغِ ندامت نہیں ہے

بارہا ہر جانب گئی چشم عاکف

کوئی تشنہ کامِ محبت نہیں ہے

ارسلان احمد عاکف

بجھ گئے سب دیے

بجھ گئے سب دیے جب سے تو نہ رہی

بن ترے اب کوئی آرزو نہ رہی

عشق میں چھن گئی خوش کلامی مری

اب مری پہلے سی گفتگو نہ رہی

زخم کھا کر بھی ہم مسکراتے رہے

زخم کو اب امیدِ رفو نہ رہی

میکدے میں جو جامِ سفال نہیں

میکدے جانے کی آرزو نہ رہی

پہلے تھی خوب سے خوب تر کی تلاش

اب کسی کی ہمیں جستجو نہ رہی

ساقی آزاد کر میکدے سے ہمیں

اب ہماری یہاں آبرو نہ رہی

ارسلان احمد عاکف 

اس کی محفل میں خوب الفت ملی تھی

اس کی محفل میں خوب الفت ملی تھی 

پیار کے بدلے میں اذیت ملی تھی

داستانِ الفت تمہیں کیا سناؤں

راہِ الفت میں بس ندامت ملی تھی

وہ شرابی آنکھیں وہ بکھرے ہوئے بال

عشق کی گلیوں سے عداوت ملی تھی

خود ہی کر ڈالی اپنے ہاتھوں سے برباد

زندگی مجھ کو خوبصورت ملی تھی

خواہشوں کی خاطر میں نے کھو دی وہ بھی

مجھ کو ورثے میں بس محبت ملی تھی

ارسلان احمد عاکف 

جب کھلی کوئے ستم ظالم نگاں پر

جب کھلی کوئے ستم ظالم نگاں پر

ٹوٹ کر برسے ستم گر نم فشاں پر

ہے کٹھن جینا غریبوں کا یہاں پر

ظالموں کا راج ہے اب آشیاں پر

لٹ رہی ہیں دیس کی معصوم کلیاں

حکمرانوں کی توجہ ہے کہاں پر

چین سے گھومے ستم گر شہر میں اور

نیند عادل کو لیے بیٹھی یہاں پر

میں اگر جھوٹا ہوں تو تم شچ بتا دو

کیوں لگاتے ہو قفل میری زباں پر

درد دے کر مجھ کو کہتے ہیں ستم گر

ہائے غالب آئے ہم نکتہ فشاں پر

آج نکلا گل فشاں عاکف کے ہمراہ

بد نظر مت ڈالنا تم کارواں پر

ارسلان احمد عاکف

رہ گئے بھوت ختم شد سب راج

 رہ گئے بھوت ختم شد سب راج

موری نگری میں گدھن پایو تاج

گیت جھوٹا یہ لکھت ہے نسّاج

کہ بہت پیارا ہمارا دھیراج

موری اچّھا ہے کہ دیکھوں میں آج

کیسے چغلی ہے لگاوے درّاج

ہوک اٹھاؤں میں لیے تن یکتا

مورے ہر سمت ہیں گھومے پوّاج

نہ دکھا موہے تو مکھ کے جلوے

دلربا  ہاتھ نہ آؤں میں آج

ارسلان احمد عاکف

غزلیاتِ عاکؔف

چلے جو مخالف کوئی میرے ہمراہ

تو احباب میرے کہیں مجھ کو شتّاہ

سنو میرے احباب اک بات میری

مناسب ہے مل کر چلیں جب ہو یکراہ

یہ طعنہ زنی تم جو کرتے ہو مجھ پر

تمہارے لیے کب بنا ہوں میں سرواہ

بہت غم سہے شب کی تاریکیوں میں

اُمید سحر میں ہے جینے کی اُتساہ

بہت ہیں زمانے کے غم میرے در پے

وہ چنچل بھی اب کر رہی مجھ کو گمراہ

وہ کہتی کہ میں تیرے در پے نہیں ہوں

چلو مان لیتے ہیں کہ ہے یہ افواہ

میں اپنے علاقے کا تنہا سپاہی

وہ اپنے نگر کی خطرناک روباہ

گزارش ہے مطرب سے عاکف کی بس اک

کہ شب بھر اے مطرب سنا مجھ کو رتواہ

ارسلان احمد عاکف 

اردو غزل

 اٹھائے ہیں کیا کیا ستم رات بھر میں

دیے جل رہے ہیں امیدِ سحر میں

بہت سے کٹھن راستے ہیں مگر تم

چراغوں کو بجھنے نہ دینا نگر میں

بتاتی ہے بے چین پلکوں کی الجھن

دریچے کھلے ہی رہے رات بھر میں

اٹھاتے اٹھاتے میں اب تھک چکا ہوں

بہت آئے پتھر مری رہ گزر میں

نگر کی اداسی بتاتی ہے ہر روز

بہت سے ہیں عاکف ستم گر نگر میں

ارسلان احمد عاکف

ویران سرائے، ارسلان احمد عاکف

 آیا ہے تو رک بھی جا، جانِ  جگر بات کر

آ اب سخن آزما، اب رات بھر بات کر

اک رات کی بات ہے، برسات کی رات ہے

دیکھوں تری رہ گزر، تو ہے کدھر بات کر

تو کیوں ہے مجھ سے خفا، یہ راہ ہے کیوں جدا

تیرے لیے ہی ہوا، میں در بدر بات کر

میں ہوں ترا رازداں، تو ہے مرا آئینہ

پھر کیوں ہے یہ تلخیاں، ایسا نہ کر بات کر

ڈھونڈے تجھے یہ نظر، باتیں تری خوب تر

جو آج پھر ہو اثر، اے با اثر بات کر

ارسلان احمد عاکف

ارسلان احمد عاکف

 

عاکف ان پر بھی شاعری ہو

نقشِ مطلوب جو ملی ہے

ارسلان احمد عاکف